Betidanik egon da Basetxe gaztetxean irrati libre bat montatzeko asmoa, edo behintzat interesa, eta nahiz eta Turuta Irratia gaztetxean sortu, trapagako herritar guztientzat bideratuta dagoen proiektua da, zeozer esateko duten pertsona, lagun talde, edo kolektiboentzat sortuta, beti irratiaren funtzionamenduaren oinarriekin (begiratu Jardunbidea) bat egiten baldin badute.

Turuta Irratia sortzeko arrazoiak anitzak eta ugariak dira, batetik indar mediatikoei aurre egiten dion kominikabide alternatibo eta herrikoia sortzea, non pertsonek, herriko jende guztiak parte hartu dezakeen, eta ahotsa eduki dezakeen.
Bestetik tokatu zaigun gizarte indibidualista honi erakusteko kolektibitatean gauzak antolatu daitezkeela, antolatu behar direla, alde batera uzten gaituzten instituzioetatik kanpo, geure kabuz, benetazko partea hartzea bultzatuz.

Eta azkenik pertsona bezala hazteko, geure interesak jorratzeko. Beraz edozein motatako irratsaioa egin nahi baldin baduzu, proiektu honen barruan lan egin nahi baduzu, animatu zaitez.

Azkenik heldu da garaia, azkenean ozen eta harro esan dezakegu:

Trapagaranek ba du irrati libre, autogestionatu eta herrikoi bat!